لما تجيلك الفرصة عشان تحقق حلم من أحلامك
لما تبقى على الأبواب خلاص وفاضل شوية كلام المفروض انهم يخرجوا من سجن الضلوع مرورا بسرداب الحبال الصوتيه فوصولا الى التجويف بتاع الفم وعلى أعتاب الشفاه
تخاف وترجع تفكر وتتردد وترتب لفرصة جديده
تتعاد فيها نفس القصة
وتتعب الكلام اللى بتمرجحه ما بين الخروج من السجن المظلم الى النور والحياة ما بين
آآآآآآه
ولاء
بتدي للكلام الأمل فى الوجود والتحقق والتحول من مجرد مشاعر وأفكار بتولع النار جوا صدرك
وبدون سابق انذار ترجعه مجروح حزين منكسر تانى
زى قصة الصخرة والجبل اللى فى الأدب اليوناني بالظبط
وفى تلك الأحيان بتضيع فرص كتير كان ممكن تغير كتير فى العالم بتاعك وفى عالم انسان تانى ظروفه نفس ظروفك بالظبط
ده يبقى ايه ؟
مش عبط ؟
مش هبل ؟
مش تضييع وقت ؟
ده كل دول وأكتر شويه ده حراااااااااام
ليه بنسيب الكلام مسجون ليه مانخرجهوش واللى يحصل يحصل ليه ما تخليكش نفسك وتبقى أنت أنت
لييييييييييه ؟
فكر فى كلامى هاتلاقيه عين العقل
فكر كويس وتوكل على الله طالما أنت مش بتعمل / بتعملى حاجه غلط قول اللى فى نفسك من غير خوف من غير تردد وتفكير ممل وممطوط ومشدود لحد ما هايقطع خيوط الكروموسومات بتاع خلايا مخك
غيروا نظرتكم لنفسكم
أنت صح باى مقاييس ترضاها لنفسك انت صح
ومافيش حد فى الدنيا يحتكر المطلق
وكل شئ فى الحياة نسبي
ايوة كل شئ نسبى فالمطلق ضرب من ضروب الخيال والمحال
يا أيها الكلام المحبوس جوه فى ضلوع أى إنسان بيعذبه دفن الكلام
تحرر
واخرج برة الضلمة اللى انت فيها ومش هاتندم
وخد بالك من نفسك وانت ماشي فى الرحلة واوعى حد يرجعك للضلمة تانى
اطلع بقى
11 comments:
الكلام اللى جواك ممكن يخنق الواحد
اه ممكن بس ده فى حالة انك مابتتكلمش خالص
بس بوست حلو جداااااااا
أنصحك اتكلم
واقول اللى جواك
واللى مضايقك كمان
واللى مفرحك
اتكلم عشان متتخنقش
تحياتى للبوست الجميل
قول اللى جواك و اتكلم و خلينا كلنا نشارك بعض في احزانا و افراحنا
ولا لازم اجيبلك موبنيل تقولك اتكلم براحتك
عاشقة الوطن
الزائرة الدائمه لصومعتى المتواضعه المظلمه والتى لا تضئ الا اذا اذنت لها كلماتك ببعش النور
لست انا فقط من يعذبه حبس الكلام
فهناك كثيرون
البوست حوار بيني وبيني ورسالة لكل اللى زيي مضمونها
اتكلموااااااا
زي جاهين ماقال
وزى ماقال برضه
ياعندليب قول غنوتك
وان حبس الغنا هوة اللى هايموتك بس خلاص
تحياتى
شرم
منور الصومعه
الست قالتها زمان
مايقدرش الكلام يوصف غرامي
ولا أشواقي في بعدك وقربك
وأقولك ايه
ممكن تكون مش حابس الكلام
لكن انك اصلا تكون مش لاقى كلام يقدر يعبر عن اللى جواك
كويس انك لفت نظرى للنقطه دي
إشطات يا ريس
من الممكن انه يكون ضعف
اصل انك تاخد قرار لو خطوه ده عايز قوه من نوع خاص برضه00
koukawy
مساء النعناع يا جميل
أنت صح على فكرة
هو مش بس عايز قوة ده عايز جرأة
وإستعداد لتقبل أسوأ الإحتمالات كمان
لا وإيه بقى المشكله انه عايز مقومات
للأسف مش متوفره دلوقتى عندي
على كل حال شرفت
مش كل الكلام يقدر يطلع برا
الواحد بيتردد مئات المرات عشان يقول كلام ممكن يتفهم ازاى او يتصنف باى ميزان وبحس فعلا ان الانسان حريتة الوحيده فى فكرة انة يفضل جواة وميطلعش براه ابدا
لكن جميل انك تطلق لنفسك العنان
وتعبر عن نفسك زي ما تحب
بوست جميل وفكرتة اجمل
تحياتي لك
الزعيمة
بتقولى
الانسان حريتة الوحيده فى فكرة انة يفضل جواة وميطلعش براه ابدا
طيب ازاى ؟؟
تقصدى الخصوصيه ؟
ولا اية تحديدا
على كل حال شكرا على زيارتك يازعيمة ومبروك لتانى مرة
الاحسن من ان الواحد يطلع الكلام اللى جواه انه يطلعه موزون او على الاقل بدون ما يجرح حد وبدون ما يحجر على كلام حد، باختصار كل واحد فينا عنده القدره على الكلام حلو قوى بس ازاى استخدمها وامتى دى الاهم لان فيه حكمه بتقول خير الكلام ما قل ودل
بوست جميل وعايزين كلاااااااااااام كتير وانت فاهم
نهاد
خير الكلام ماقل ودل
حتى ده مش راضى يطلع
وبيعذب ناس تانيه
الكلام اللى بيجرح واللى بيخرج من غير ما يعدى على العقل ده اما خارج فى وقت عصبيه ونرفزة او خارج اصلا من انسان متخلف لايعى ما يقول
غير كده مافيش
نورتى الصومعه
الملاح
كن انت كانت لا انت كما تحتم الظروف
تكلم فانت علي حق افكارك لها حق عليك لمجرد انها افكار’ك’ لها حق عليك ان تتكلم
مهما كانت العواقب فقد تندم قد كانت الفرصه امامي و لم....اتكلم
حقا البوست اكثر من رائع
اتمني ان تزورني علي ارضي
ارض الاحزان
و ارض الجنون
ياسو
Post a Comment