كل ليلة وكل يوم أسهر لبكرة
في إنتظارك يا حبيبي
ياحبيبي
فكري طول الليل في ليلك والنهار
كله فـ نهارك ياحبيبي
ياحبيبي
ياترى يا وحشني بتفكر في مين
عامل إيه الشوق معاك؟
عامل إيه فيك الحنين؟
سهرت السهر في عينايا صحيت المواجع فيا كل ساعه وكل ليله وكل يوم
بعد ما اطمن عليك
هايجيني نوم ياحبيبي ياحبيبي
..........
مع بدايات تعلقي بسماع العبقرية أم كلثوم كانت هذه الأغنية الرائعه من أوائل الأغانى التى سمعت
كنا فى شهر يناير الساعه الحادية عشرة مساء موعدنا مع أم كلثوم
النار تثير الدفئ فى محيطها ونحن محلقين فى دائرة حولها وثومة تثير المرح الجميل فى جونا الداخلي
والدائرة تتمايل طربا والأصوات تهمس خجلا مترنمة باللحن والكلمات
وأنا مفكر كالعاده فى سر هذا الإحساس بالنشوة الذي لم أعهده ؟
....
أمل حياتي ياحب غالي
ماينتهيش
يا أحلى غنوه
غنوه
سمعها قلبي ولا تتنسيش
.........
بتحسسني إني فى مصر وقاعد عالقهوه مع أصحابي
معاهم ومش معاهم
6 comments:
ازيك ياملاح
ثومة كعادتها رائعة
وكل ماغنت فهو جميل جميل جدااا
وربنا يرجعك بالسلامة ان شاء الله
لعلك بخير
ازيك يا ملاح
كلمات فى داخل كل واحد فينا
كلام ثومه كلام لكل يوم ولكل زمان ولكل وقت وفى كل وقت أحزان أفراح حب فراق قرب زعل اى حاجه ممكن تلاقيها
المهم يارب دايما تكون بخير ومسامح وطيب
عاشقة الوطن
مش دول بس من أجمل أغاني الست
أغانيها الجميله كتير
وقصايدها اللى لحنها السنباطي روعه بجد
أقبل الليل باين فيها جمال صوتها بطريقة غير عادية
عندك كمان الأطلال أغنية كارثه
نهاد
ماهو ده سر شعبية أغاني الست
انها غنت لكل حاله ولكل وقت
ياظالمني حالة
هجرتك حاله
أنت عمري أحلى حاله
بعيد عنك حالة عذاب
رباعيات الخيام حالة حلم
الأطلال حالة بكا
أغدا ألقاك حالة مستحيلة
غلبت أصالح في روحي حالتي
وكتير بقى من الحالات اللى منها حلو ومنها الرائع ومنها الغبي ومنها البشع ومنها ومنها
منورة الصومعه يانهاد
انت قلت انها عبقريه(:
تفتكر احنا ممكن نقول ايه بعد كده؟
اسراء
تقولى ايه صحيح؟
الكلام لو كان يعبر
تحياتي
Post a Comment