متوقع منك تسألنى السؤال ده طبعا وعلى كل حال يؤسفنى أقولك إن الإجابه عليه مش هاتكون زى مانت عايز واضحه وصريحه ومباشره لأنه ما ينفعش أو مش هاتفهم منها حاجه
ياسيدي إتكلم وأنا سامع ولو استوضحتك فى نقطه وضحلى
جوانب الحس والشعور عند الإنسان من أرقى الجوانب فى نفسه والتعامل معاها له خصوصيه شديده وعشان كده أغلب أحزاننا نابعه منها وكذلك أفراحنا طبعا لأنها الأداه والآله اللى بتصنع الإتنين دول الفرح والحزن شعور واحساس
لما تيجى تسال سؤال عاوز تعرف منه وصف للحاله الشعوريه عند انسان آخر من غير اللائق إنك تسأله مباشرة عنها أو ممكن نعتبره ضرب من الغباء الإجتماعي
طيب إزاى تسأله السؤال ده لا مباشر ومن طرق غير رئيسيه ؟
دي شغلتك أنت بقى يا صاحبي وربنا يعينك
طيب تفتكر يا خالد تكوين الشعور والعاطفه لأي انسان بيبدأ إمتى ؟
بيبدأ مع أول لمسة إيد تتمد له ساعة ما بيتولد وبيبدأ يتعلم لو إعتبرناها مدرسة يعنى أصعب دروسه من مصدر الحنان والحب اللى هى وأمه
طيب للوصول لدرجة من الرقي في الجوانب دي من المفترض إيه اللى يجب أن يكون ؟
المفترض أن الإنسان يعيش حياة سويه عاطفيا بحيث يجد مصدر الحنان والحب من الأم ده أولا ومن الأب اللى بجانب ده بيعطيه إحساس آخر بالأمان لأن إسهامه فى الشعورين السابقين بيكون بسيط نوعا
ده طبعا فى مرحلة الطفوله حتى البلوغ والمرحله دي مش هينه لأنها بتعتبر أولى خطوات بناء الجوانب الشعوريه والعاطفيه السويه عند أى فرد مننا
طيب أنت بتعتبر نفسك إجتزت المرحلة دي بصورة أنت راضي عنها ؟
أعتقد إنى مش هاقدر أجاوبك عن السؤال ده لنه صعب انى احدد
طيب المرحله اللى بعدها ؟
المرحله اللى بعدها بيستمر المدد من الأسرة وبيكون مهم جدا للشاب إنه يحس بنوع من الصداقه اللى بتجمع بينه وبين والده وبين البنت وأمها ، ده مهم جدا فى المرحله دي الصداقه ودي وصية من النبى عليه الصلاة والسلام
أفهم من كده إن هايحصل خلل فى البنيان الحسي للإنسان لو ده ماحصلش ؟
أكيد لأنه بيخلى البحث عن الكمال يدفعك لإشباع ثورتك فى إتجاهات من الممكن إنها تضرك وده فى الغالب
ماتوضح أنت تقصد إيه ؟
يعنى أنت مثلا لو ما لاقيتش فى المرحلة دى ان باباك جمبك كصديق ذو عقل منفتح ورؤيه ذات أفق واسع هاتبدأ تكون الشله زي ما عملنا كده رغم تفاوت طبيعة العلاقات بينا وبين ابهاتنا عن بعض وبعد كده تبدأ سلسلة من الإنحرافات تظهر والمشكلات تتخلق والعقد تتكون عند البعض
بس خلاص وصلت وصلت والله عندك حق ، إنما هل الكلام ده بيكون له تأثير علينا فى المرحله اللى بعدها ؟
أكيد لازم يترك أثر بس الميزه بقى إن بعد مرحلة المراهقه دى ما بتنتهى ربنا سبحانه وتعالى بيضيف ليك نمو عقلى يؤهلك لو أحسنت إستخدامه إنك تتفادى التأثير السلبى ده وتحاول تقوم المعوج فى بنيانك الحسي والعاطفى وأنت وشطارتك
آه فعلا إنتا فاكر لما جات فتره علينا كده حسينا إننا بقينا نفكر بشكل مختلف ، ماكناش عارفين نظهر جوانب التغيير قوى لكن كنا حاسينه وعايشينه ونظرتنا إختلفت نوعا للأمور بقينا أعقل وده كلنا لاحظناه ماعدا بعض الزملا اللى نموهم العقلى وقف زى حماد
هههههههههههههههههههههه
أيوة أيوة ده بالذات حاله لوحده
خلينا بقى فى المهم ، خلصنا الوصف لمرحلتين بشكل مختصر
يامفترى ده مختصر
بالنسبالى اه
على شوقك مختصر مختصر
قولى يا خالد باعتبارنا عدينا مرحلة وفى نهاية مرحله هل احنا نعتبر أسوياء حسيا ووجدانيا ؟
أولا إحنا مش فى نهاية مرحله مين قال كده يابنى داحنا فى اولها
أما عن اسوياء وغير أسوياء دى فاكل واحد يقدر يحكم على ذاته
اه طبعا ، بس أنا وأنت ومحمد تقريبا ظروفنا واحده وعارفين كل حاجه عن بعض بلاش تعتبره سؤال إعتبره موضوع نناقشه بموضوعيه ونصدر حكمنا بناءا على رؤيتنا موافقنى
موافقك
............
يتبع
14 comments:
انا اول حد يرد :)
عزيزى الملاح ...لم اكن اتصور ابدا ان يكون الرد بهذا الشكل فقد بنيت اجابتك على موضوع رائع بحق
واكثر شىء يدل على مرورك بهذه المراحل بنجاح هو تفسيرك المنطقى والصحيح لها
لكن...لم تجب عن السؤال الاساسى
:d
بجد بوست رائع
شيماء
من دواعى سرورى أن تنال كتاباتى المتواضعه حقا إعجابك يا عزيزتى ، أعلم أن الرد غير متوقع ولكن ذلك لم يكن سوى تمهيد لما سيأتى لو تابعتى كتابات الملاح على صفحات هذه الصومعه المظلمه والتى تضيئين فيها الشموع بمرورك يا سيدتى
قد يكون تفسيرى المنطقى نابع عن أشياء أخرى غير تخطى المراحل تلك بنجاح
تحياتى لك
مراحل مراحل مراحل
اه والله عندك حق فى كل اللى قلته
كلنا مرينا وهنمر بيها للى لسه ولسه كمان الدواير
بس بجد عجبنى قوى كلامك واللى اكتر الاسئله
انا مستنيه الردود
nehad
كل حاجه في حياتنا عباره عن سلسلة من المراحل واللى بنمر بيها فى تتابع
بنتكعبل ساعات
وبنعدي بعضها بسهوله جدا
لكن قليلين جدا اللى بيتعلموا
أسعدن جدا أن كتاباتى نالت اعجابك
وأعدك بالمزيد
تحياتى الخالصه لرقيك الجميل
مراحل
اه
اذا انا عرفت السبب
انا موافقك
منتظرك
جيد عطلة نهاية الاسبوع
ياملاح
ايه الحاجات والحوارات الجميلة ديه
ربنا معاك
وكلامك كله منطق
ربنا يوفقك وربنا معاك
فلتكمل المسيرة
تحياتى
كراكيب عادل
ايوة مراحل
ياترى السبب ايه ؟
سعيد انك موافقنى
انتظارك
مش
هايطول
حووول
نورت يا باشا
david santos
؟؟؟؟؟؟؟؟؟؟؟؟؟؟؟؟؟؟؟؟؟؟؟
عاشقة الوطن
أشكرك يا عزيزتى على كلماتك الرشيقه
وسعيد بتواجدك فى الصومعه والذى تأخر بعض الوقت
على كل حال نورتى الصومعه
كلام جميل .. ربنا يوفقك
أرق تحياتي
ابن بهيه
زيارتك لمدونتى اتاخرت جدا على فكره
على كل حال نورت الصومعه يا عزيزى
أرق تحياتي
جميه أوي, ومنتظره الباقي.
اسراء
والله زمان
ميرسي على زيارتك
ارق تحياتى
Post a Comment