كيف يمكن لك أن تدعى انك سوي حسيا ووجدانيا وروحيا ؟
أن تحس وأن تشعر وأن تتألم ؟
أن تسعد وتحزن وتحب وتكره ؟
كلنا يفعل ذلك كله
لكن ليس كما يجب أن يكون
تقصد إننا ممكن نكون بنعانى من خلل فى الشعور بالشعور؟!؟
ههههههههههههههههههههه
حلوة قوى الشعور بالشعور دي
ممكن جدا على فكره
طيب وضح ؟؟
قولى مثلا نتناول ايه
الحب مثلا
وهو كذلك ، تعرف ان اكبر الخلط بيكون فى الشعور ده تحديدا ، الشعور بالحب يعنى
وهاقولك ازاى
نزار كان قال الآتى
الحب عاطفه متداخله ومتشابكه كألوان قوس قزح ومن الصعب فى بعض الأحيان على العاشق أن يكتشف فى اى منطقه من مناطق اللون هو موجود
فى سن السابعه عشره مثلا نكون على إستعداد لحب أول إمرأة نصافحها ... كما تكون شبكية العين مستعده لإلتقاط أى شعاع من الضوء يلامسها
وكما يكون تراب الصيف مستعدا لإلتقاط أية قطرة ماء تسقط عليه
هذا ليس حبا ولو تصورنا أنه حبنا الأول والأخير
وفي بعض الأحيان نحب لنثبت قدرتنا على أن نكون معشوقين ولنؤكد أهميتنا وفحولتنا
هذا أيضا ليس حبا وإنما هو نرجسيه وإستقطاب لذواتنا
وفي بعض الأحيان نحب هربا من الفراغ والضجر فنعشق أول إمرأة نصادفها فى المصعد (اللى هو الأسانسير يعنى يا مغفل) أو في القطار
هذا أيضا ليس حبا وإنما هو العثور على محفظه فى الشارع بعد إفلاس
وفي عض الأحيان نحب المضيفه التى تبتسم لنا فى الطائره أو الممرضه التى تضع فى فمنا ميزان الحراره فى المستشفى
هذا أيضا ليس حبا ولكنه هلوسه مصدرها الضغط الجوى .. أو إرتفاع الحمى
لحد هنا خلص كلام نزار
طبعا أنت دلوقتى بتفكر كام مرة إتوهمت الحب .. صح ؟
صح ، تخيل إن كلامه صحيح فعلا بس هل هو صحيح للرجل بس ولا للست كمان
هو بنفسه يرد عليك ، إسمع
والرجل عادة أكثر تعرضا لمثل هذه الإختلاطات الخطيرة من المرأه .. فالمرأه لاتتوهم أبدا إن رؤيتها أوضح وبصيرتها أعمق وهى بحاستها السادسه تستطيع أن تكشف أوراق الرجل وتعرف على أى أرض تضع أقدامها
يعنى أكثر من يتعرضون للحب الواهم هم الرجال
ده يعتبر خلل فى الشعور بالشعور مش كده ؟
كده ، طيب أنت بقى توهمت الحب كام مرة ؟
أنا ممكن تعتبرنى بارد أو سريع الصعود والهبوط بطريقه غريبه وليا نظرة مش قادر أغيرها عن الحب لسه لحد دلوقتى ماطبقتش منها غير 10 % بس والزمن قد يكفل لى اتمامها من عدمه
النقطه بتاعة توهم الحب حصلتلى 3 مرات لكن كنت حاسس بكذب الشعور جوايا عشان كده ماكنتش مهتم وبارد لدرجه انتوا كنتوا مستغربينها وده لعلمك من أكثر الأشياء اللى خلت التلاته يظهروا ليا وجه متحضر وينظرولى نظرة أفضل والحمد لله
حب قصدى حب متوهم مسالم وهادئ لأبعد حد
حاول تكون صادق لأن أنت بتتكلم معايا أنا أنا عارف إن أنت عدت عليك أوقات كنت بتتعصر من جواك صح ؟
صح بس هل بسبب الحب ، يامغفل السبب كان من جوا كان إحساس بالوحده والضجر غير معروف سببه والإنسان بيكره المجهول ولابد يدورعلى سبب لآلامه فطبيعى جدا إنى أنسب ده لفلانه وده كان بيحصل نادر جدا وأنت فاكر كويس والكدب بيكون ظاهر وكنتوا بتفقسوة لأنى ماباعرفش اكدب بحرفيه
اه ماشى ياعم خلينا فى النظريه بقى بتاعتك ياعم أينشتين ، تطلع إيه نظرتك للحب دى وايه ملامحها ؟
...............................
يتبـــــــــــــع
4 comments:
كيف حالك ايها الملاح :)
بجد انت عميق التفكير وده بيعجبنى فيك لانك بتفاجئنى بجوانب للموضوع شيقه وجميله
بالفعل كل البشر بتعانى من الاضطراب ده وهو الى اوقات بنسميه لو فى الحب الشعور بالحب الاول
وهى زى بدايه تعلم الطفل المشى واكتشاف قدرات جديده يمتلكها
بس كمان الشعور المخادع بالحب مش بيجى فى اول مراحل النضج او البلوغ او الفهم او اكتشاف هذه المشاعر
زى مانت قولت بيجى مع الوحدة والفراغ الغير مستغل احيانا
عجبنى نقلك لكلمات نزار الى هى فعلا لخصت كل فحوى الموضوع
مستنيه البوست الى بعد كده
وبجد البوست ده فعلا رائع
دمت بود
تحياتى
شيماء
الملاح سعيد بتعليقك جدا ويطمئنك أنه بخير حال والحمد لله
فيم العمق يا سيدتى إنها فقط عملية تفريغ لجوانب ضئيله جدا قد لمستها يوما ما وقد أظهرتها بشكل جد متواضع
توهم الحب خلط يقع فيه الكثيرون أغلبهم كما يقول نزار من الرجال لأنه كما يقول أيضا أن المرأه رؤيتها اعمق
وليس الملاح
النضج مرحلة لم نتحدث عنها بعد
وأغلب توهمات الحب تكون فى ماقبل مرحلة النضج بالنسبه للرجل
لن يستمر خداع الإنسان لنفسه
وكل عرض كاذب نهايته النسيان
وكل سبب غير كافى لإحداث نتائج
لن يحدث اية نتائج
أرق تحياتى
جميل ياملاح بجد الحوار اللى ببينك وبين صديقك
بيطلع المفيد والكلام اللى فيه الفايدة
ماعلينا ربنا يوفقك وربنا معاك
تحياتى
عاشقة الوطن
نورتى الصومعه
وشاكر تواجدك
سعيد ان البوست نال اعجابك
ارق تحياتى
Post a Comment